Close

Not a member yet? Register now and get started.

lock and key

Sign in to your account.

Account Login

Forgot your password?

ARAUDIA: 67KM

Euskal Herria Mendi Erronka (EHME) distantzia luzeko mendi lasterketa bat da, Ultra Trail bat, baina oinarrian aldarrikapena ere baduen lasterketa da: euskal mendizaletasunaren nortasuna, mendi lasterketa, lurraldetasuna, ofizialtasuna, Plazaola natur gunea eta euskara sustatzea du helburu.

1. ANTOLAKUNTZA: Euskal Herria Mendi Erronkaren antolatzailea Euskal Herria Mendi Erronka Kirol Elkartea da (Kirol Elkarteen Erregistroko G71234975 zenbakia).

2. EGUNA ETA LEKUA: Lasterketa 2019ko maiatzaren 18an eginen da. Goizeko 8:00etan hasiko da, Leitzako plazatik. Lasterkariek antolakuntzak emandako argibideak jarraitu beharko dituzte. Lasterketa honetan parte hartzeak, araudi hau eta antolakuntzak www.ehmendierronka.eus helbidean argitaratutako informazioa onartzea dakar berarekin.

3. IBILBIDEA: Lasterketa honek 67 km eta 7.200 metroko gainbehera du, eta Leitzan hasi eta bukatzen da, Araitz-Betelu, Larraun eta Lekunberritik pasatu ondoren. Honatx zehatzago:

  • Leitza
  • Guratz
  • Gorriti
  • Arribe
  • Gaintza
  • Irumugarrieta
  • Albi
  • Artxueta
  • Iribasko Iturburua
  • Alli
  • Lekunberri
  • Iontza
  • Ireber
  • Kornieta
  • Leitza

Neurketak ez daude homologatuta.

4. PARTE-HARTZEA: Araudi honek dioena betez gero, proba egunean 18 urtetik gorako kirolari orok parte hartu ahal izango du, federatua izan edo ez. Antolakuntzak, proba egin aurretik azterketa mediku bat egitea gomendatzen die parte-hartzaile guztiei, eta hauek beren gain hartuko dute proban gerta lekiekeena.

5. EZINBESTEKO MATERIALA:

  • Haize-babesgarria.
  • Bisera edo buffa.
  • Eguraldi txarra eginez gero:
    • Euritarako eta izarditakoa eta transpirablea den kapeladun jaka, mendian eguraldi hotza jasateko balio duena.
    • Maila piratak.
    • Bigarren kapa termikoa.
    • Eskularruak.
  • Derrigorrezkoa izango da ezinbesteko material guztia korralitoan sartzerakoan aurkeztea.

6. KATEGORIAK (Proba ospatzen den egunean lasterkariek duten adina)

GIZONEZKOAK

  • Seniorrak: 18 urtetik gorakoak.
  • Beteranoak: 45 urtetik gorakoak.

EMAKUMEZKOAK

  • Seniorrak: 18 urtetik gorakoak.
  • Beteranoak: 40 urtetik gorakoak.

7. TXAPELKETAK

BANAKAKO EHME TXAPELKETA

  • Parte-hartzaile guztientzat da.
  • Gizonezkoak zein emakumezkoak.
  • Kategoria absolutua eta beteranoa.

KM BERTIKALA EHME TXAPELKETA

  • Parte-hartzaile guztientzat da.
  • Gizonezkoak zein emakumezkoak.
  • Kategoria absolutua.
  • Gaintza – Irumugarrieta zatian izango da.
  • EHME probako ibilbide osoa bukatu beharko da, gehienez denbora 12 ordukoa izanik.

KLUB MAILAKO EHME TXAPELKETA

  • Mendian federatutako kluben arteko txapelketa da, eta, hortaz, aurtengo mendi federazioko lizentzia dutenentzat.
  • Klubek, gutxienez, lau kide izan beharko dituzte, eta horien artean neska bat gutxienez, nahitaez.
  • Kluben arteko sailkapenerako, Klub bakoitzeko lau denbora onenak hartuko dira, beti ere neskarena barruan dela. Lau denbora onenen bataz bestekoa egingo da, eta denbora gutxienean egin duena izango da irabazlea.
  • Puntuatzeko helmugan sartzeko gehienezko denbora 12 ordukoa izango da.

BERTAKO EHME TXAPELKETA

  • Leitza, Areso, Araitz, Betelu, Larraun eta Lekunberrin erroldatutako kirolarientzat izanen da soil-soilik.
  • Gizonezkoak zein emakumezkoak.
  • Kategoria absolutua.

8. SARIAK:

Sariak ezingo dira metatu.

BANAKAKO EHME TXAPELKETA

Kategoria absolutua, gizonezkoak eta emakumezkoak:

  1. Txapela, garaikurra, 600€ eskudirutan eta bertako produktuekin osatutako saskia.
  2. Garaikurra eta 400€ eskudirutan.
  3. Garaikurra eta 200€ eskudirutan.

Kategoria beteranoa, gizonezkoak eta emakumezkoak:

  1. Garaikurra eta bertako produktuekin osatutako saskia.
  2. Garaikurra.
  3. Garaikurra.

KM BERTIKALA EHME TXAPELKETA

Kategoria absolutua, gizonezkoak eta emakumezkoak:

  1. Garaikurra, Lopenea Landa Ostatuan 2 pertsonentzako asteburuko egonaldia (loa eta gosaria. Erabiltzeko epea: 3 hilabete) eta bertako produktuekin osatutako saskia.
  2. Garaikurra.
  3. Garaikurra.

KLUB MAILAKO EHME TXAPELKETA

  1. Txapela, garaikurra eta Aralar Kanpineko bungalowetan 12 pertsonentzako asteburua pentsio erdian. Erabiltzeko epea: 2019.urtean gozatu behar da.
  2. Garaikurra.
  3. Garaikurra.

BERTAKO EHME TXAPELKETA

Kategoria absolutua, gizonezkoak eta emakumezkoak:

  1. Garaikurra, Leitza Kirolak dendak eskainitako lote bat 150€tan baloratua eta bi pertsonentzako bazkaria Musunzar Jatetxean.

9. IZEN-EMATEA: Gehienez 700 parte-hartzaile izango dira, eta izen-ematearen ordena zorrotz jarraituko da.

Izen-emateak internet bidez egingo dira lasterketaren web ofizialean, kreditu txartelaren bidez, 2019ko otsailaren 1ean 8:00etatik aurrera edo https://www.rockthesport.com/es/evento/eh-mendi-erronka web gunean. Izen-ematea egin eta 72 ordura ordainketa egin ez bada, ezeztatutzat emango da izen-emate hori.

Prezioak:

  • 2019/02/01 – 2019/04/04:
    • Federatuak (betiere mendi lasterketak barne hartzen duen modalitateren batean): 56€
    • Gainontzekoak: 65€
  • 2019/04/05 – 2019/05/05:
    • Federatuak (betiere mendi lasterketak barne hartzen duen modalitateren batean): 66€
    • Gainontzekoak: 75€

Behin izena emateko kuota ordainduta, lasterketan parte ez hartzea erabakitzen duenari, 2018ko apirilaren 16 arte, %100 itzuliko zaio. 2019ko apirilaren 17ko 23:59ak bitarteko epean, % 100 itzuliko zaio.

2019ko apirilaren 18ko 00:00etik aurrera ez da inongo diru itzulketarik egingo arrazoia edozein dela ere.

Izen-emate ororen baliogabetzea e-posta soporte@rockthesport.com edo info@ehmendierronka.eus bidez egin behar da. Kontu zenbakia eta izen-ematearen erreferentzia-zenbakia adierazi beharko dira.

Lasterkari kopurua betetzen bada, itxaron-zerrenda irekiko da. Bajak dauden
heinean, itxaro-zerrenda horretatik beteko dira.

Izen-emateak honakoa bermatzen du:

  • Lasterketan parte-hartzea.
  • Erantzun zibileko asegurua.
  • Federatuak ez daudenentzako, istripu asegurua.
  • Lasterketan osasun-laguntza.
  • Anoa-postuak.
  • Txip bidezko kronometraje sistema.
  • Korrikalariaren poltsa.
  • Dutxak.
  • Suspertze-zerbitzua (Fisioterapeutekin)
  • Antolakuntzak adierazitako puntura, hots Putzuzarrera, korrikalariaren materiala garraiatzeko aukera.
  • Road Book-a (korrikalariaren eskuliburua)
  • Doako garraio-zerbitzua, erretiratuak Leitzara ekartzeko, antolakuntzak zehaztutako puntuetatik.
  • Proba amaierako otordua
  • Lasterketa amaitzen duten korrikalariei helmugara iristen direnean finisher oparia.

Antolakuntzak bere erabilerarako 50 dortsal erreserbatuko ditu.

Antolakuntzak eskubidea izango du parte hartzaileen datuak (izen-abizenak, jatorria, kategoria, dortsal-zenbakia, emaitzak…) zein proban zehar egindako argazkiak eta hartutako irudiak hedabideetan eta Interneten argitaratzeko; beraz, proban erregistratzeak berekin dakar berariaz eta erreserbarik gabe oniritzia ematea datu horiek antolatzaileak erabiltzeari, aurka egiteko eskubideari kalterik egin gabe. Parte-hartzaileei dagozkien datu eta zerrenda guztiak publikoki kontsultatu ahal izango dira izena ematen den une beretik.

Erabiltzaileak izen-ematea hirugarren pertsona baten izenean egitekotan, bai plataformaren bidez, bai horren bitartez kudeatutako kirol-proben bidez, pertsona horrek ziurtatzen du interesdunaren berariazko aurretiko baimena duela lege-baldintza hauetan jasotakoaren arabera.

10. SEINALEZTAPENA: Ibilbidea probako kartelekin, banderatxoekin eta zintarekin behar bezala markatuta eta ikusteko moduan egongo da. Seinaleztatutako bidea nahitaez jarraitu behar da, moztu gabe, bidea mozteak ingurumenaren higadura eta degradazioa eragin baititzake.

11. ANOA GUNEAK: Helmugakoaz gain, bederatzi anoa gune izango dira. Gune horietan produktu energetikoak eta hidratatzaileak eskainiko dira.

  • Pagozelai: 9,6 Likidoa
  • Gaintza: 18,2 Osoa
  • Unagako Putzua: 24,8 Osoa
  • Putzuzar: 32,8 Osoa
  • Iribasko iturburura: 39,7 Likidoa
  • Aralar kanpina: 45,5 Osoa
  • Iontza: 54,5 Likidoa
  • Idiazabal: 59,5 Osoa
  • Jaundegiko borda: 64,6 Likidoa
  • Leitza: 67 Osoa

Anoa-postu bakoitzean zenbait zakarrontzi egongo dira: ezinbestekoa izango da horiek erabiltzea eta zaborra sailkatzea.

12. KANPOKO LAGUNTZA: Lasterketan zehar, korrikalarien edo kanpokoen laguntza eta anoa oro guztiz debekatuta dago, antolatzaileek horretarako ezarritako tokietan izan ezik.

13. IGAROTZE-KONTROLAK: Antolatzaileek hainbat igarotze-kontrol jarriko dituzte, eta horietatik pasatzea
derrigorrezkoa izango da. Igarotze-kontrolak erraz ikusteko moduan adieraziak egongo dira. Berauetatik pasatzen ez dena kanporatua izango da.

Antolakuntzak emandako txip batek ziurtatuko du lasterkaria bertatik igaro dela. Igarotze-kontroletan antolakuntzako kideak egongo dira.

Igarotze-kontrolak honakoak izango dira:

  • Gaintza
  • Irumugarrieta
  • Artxueta
  • Lekunberri (Aralar kanpina)
  • Ireber
  • Leitza

14. LASTERKETA UZTEKO LEKUAK: Proba bertan behera uzten duten eta lesionaturik ez dauden korrikalariek Gaintza, Putzuzar eta Lekunberri (Aralar Kanpina) izango dituzte lasterketa uzteko lekuak, beraz, beren kabuz eta ahalik eta azkarren leku horietara joan beharko dute garraiatuak izan daitezen.

15. KANPORATZE PUNTUAK ETA ORDUTEGI MUGAK (Helmugan sartzeko gehienezko denbora 13 ordukoa izango da):

  • Gaintza: 11:15 (18,2 km)
  • Putzuzar: 15:00 (32,8 km)
  • Lekunberri (Aralar Kanpina): 16:30 (45,5 km)
  • Lekunberritik irteteko: 16:50 (45,5 km)

Antolakuntzako arduradunek kanporatze puntuetan aurrez ezarritako denbora aurreikuspenak betetzen ez dituzten kirolariak probatik kanpo utziko dituzte eta helmugara garraiatuko dituzte. Halaber, lasterkaria honako arrazoi hauengatik ere kanporatua izan daiteke:

  • Araudia ez betetzeagatik.
  • Markatutako ibilbide osoa ez osatzeagatik.
  • Dortsala ikusteko moduan ez eramateagatik.
  • Antolatzaileen aholkuei kasurik ez egiteagatik.
  • Beste lasterkariei errespetu falta erakusteagatik.
  • Anoa puntuetan zakarra ez sailkatzeagatik edo lurrean uzteagatik.
  • Ingurumena ez errespetatzea: zabor eta hondakinak ibilbidean zehar uztea edo botatzea.

Eguraldi txarragatik edo segurtasun arrazoiengatik, antolakuntzak proba gelditzeko, ibilbidea aldatzeko edo ordutegi mugak aldatzeko eskubide osoa izango du.

Ezarritako ordutegi mugen aldaketa gertatuz gero, ordutegi muga berri horietara iritsi ezin daitezkeen korrikalari guztiak lasterketaz kanpo geldituko dira eta helmugara garraiatuak izango dira.

16. KRONOMETRAJEA: Lasterketaren kronometrajea txiparen bidez egingo da. Irabazleek, behin-behineko sailkapenak jarri ondoren, 30 minutu izango dituzte erreklamazioak egiteko. Zerrenda hori kronometraje gunean egongo da arratsaldeko 19:00etarako. Arratsaldeko 19:30erako behin betiko saridunen zerrenda argitaratuko da. Parte-hartzaileek sailkapenak argitaratu eta 24 ordu izango dituzte erreklamazioak egiteko, denbora tarte hori igaro ondoren, erreklamaziorik ez badago, sailkapenak behin betikoak izango dira.

Markak egiaztatzea helburu hartuta, probaren sailkapenak eperik gabe mantenduko dira, eta antolatzailearen webgunean kontsultatu ahal izango dira, ezeztatzeko eskubideari kalterik egin gabe.

17. DORTSALEN BANAKETA: Dortsalen banaketa Leitzako plazan egingo da, 2019ko maiatzaren 17an, ostirala, 17:30etatik 20:00etara, eta, probako egun berean, 6:00etatik 7:00etara, leku berean.

18. KONTSIGNA ZERBITZUA: Bi kontsigna-zerbitzu eskainiko dira

  • Herriko kontsigna-zerbitzua: Antolatzaileek kontsigna-zerbitzua eskainiko diete parte- hartzaile guztiei irteera/helmuga puntuan. Kontsigna-zerbitzua (poltsa uzteko) udaletxeko lehen solairuan egonen da eta Kontsigna-zerbitzua lasterketan bukatzean (poltsa jasotzeko) Leitzako kiroldegian.
  • Ibilbideko kontsigna-zerbitzua: Putzuzarren kokatua egongo da. Hala nahi duen korrikalariak Aurrera Kirol Elkartzean poltsa utzi dezake, antolakuntzak lasterketa erdira eraman dezan. Ondoren antolakuntzak Putzuzarren utzitako poltsak Leitzako kiroldegira eramango ditu.

Poltsen edukia ez da egiaztatuko, ondorioz, ez da erreklamaziorik onatuko. Baliozko objeturik ez sartzea aholkatzen da.

Poltsak identifikatzeko dortsal zenbakia erabiliko da, hori dela eta, poltsa jasotzerakoan dortsala erakutsi beharko da.

19. INGURUMENA: Lasterketa, ia oso-osorik, natura gune zoragarri batean zehar igaroko da. Hori dela eta, ingurua babestea nahitaezkoa izango da eta debekatuta egongo da edozer gauza lurrera botatzea.

  • Horretarako zaborra biltzeko ontziak jarriko dira anoa gune amaiera guztietan. Anoa guneetan, antolatzaileek ezarritako zaborraren sailkapena errespetatzea nahitaezkoa izango da.
  • Arau hau hausten duena kanporatua izango da.

20. OSASUN ZERBITZUA: Antolatzaileek Larrialditarako osasun zerbitzua jarriko dute ibilbideko lekurik estrategikoenetan. Halaber, helmugan dutxa, garbiketa eta lehen mailako zerbitzu medikua eskainiko dituzte, horren beharrean aurkitzen diren kirolariarentzat.

Antolakuntzak kirol-arriskuetarako aseguru bat egin du parte-hartzaile guztientzat; beraz, izena ematen duenak oniritzia ematen dio antolatzaileei beharrezkoak diren datuak aseguru-etxeari uzteko, proban zehar ezbeharren bat gertatuz gero, laguntza bermatuta egon dadin.

21. SEGURTASUNA: Antolatzaileek, egoerak hala eskatuta, lasterketaren ibilbidea aldatzeko eta dagozkion gainerako aldaketak egiteko eskubidea daukate, eta baita bertan behera uzteko ere, eguraldiaren baldintzek hala eskatzen badute edo arrazoi nagusi batengatik, lasterketa batzordearen adostasunarekin.

Lasterketa ixteko ardura duen erratz-taldeak partaide guztiak igaro direla egiaztatuko du.

22. LAGUNTZA EZBEHARRETAN: Parte-hartzaileak, laguntza beharrean aurkitzen diren parte-hartzaileei laguntzera behartuta daude, eta baita kontroletan gorabeheren berri ematera ere.

23. ERANTZUKIZUNA: Antolatzaileek beren gain hartuko dituzte ibilbidean zehar gertatzen diren istripu guztiak, baina korrikalariaren erruagatik edo utzikeriagatik gertatu bada istripua, antolatzaileek ez dute beren gain hartuko. Parte-hartzaileak euren buruari edo besteei egindako kalte guztien erantzule izango dira.

24. IRUDI ESKUBIDEAK: Partaide orok, antolatzaileei eta beren babesleei, lasterketaren inguruan egindako argazki edo hartutako irudiak askatasun osoz erabili eta argitaratzeko baimena ematen diete epe mugarik gabe.

25. LASTERKETA BERTAN BEHERA UZTEA: Lesio edo istripuren batengatik ez bada, korrikalariak ez luke proba bertan behera utzi behar igarotze-kontroletatik kanpo. Proba bertan behera igarotze-kontrola baino lehen uztea erabaki duenak, proba ixteaz arduratzen direnei edo antolakuntzakoei jakinarazi beharko die, haiek txipa desaktibatu eta Leitzara ekartzeko.

Korrikalariak dortsala gordeko du antolakuntzak eskaintzen dituen zerbitzuei (garraioa, dutxak, helmugako anoa-gunea…) etekina ateratzeko.

Lasterketa derrigor bertan behera uztea. Antolakuntzak aldi baterako gelditzera edo lasterketa bertan behera uztera behar dezake korrikalaria, egoerak bere osasun fisikoa edo segurtasuna arriskuan jartzen baditu.

Osasun-zerbitzura jotzen duten korrikalariak haien juzkuaren eta balorazioaren esku geratzen dira. Ondorioz, haien erabakiak onartu beharko dituzte. Osasun-zerbitzuek edozein kasutan erabaki hauek hartu ahal izango dituzte:

  • Lasterketa jarraitzeko gai ez den edozein korrikalari kanporatzea (dortsala
    desaktibatuz).
  • Arriskuan ikusten duten edozein korrikalari ebakuatu egokien iruditzen zaien
    baliabidearen bitartez.
  • Edozein korrikalari osasun-zentro batera eraman, haren egoerak egokiena hori
    dela erakusten badu.

Osasun-zentro batera eramanez gero, korrikalaria arduratuko da itzuleraz.

Istripu edo lesioagatik oinez kontrol guneetara iristea ezinezkoa bada eta ebakuazioa beharrezkoa izanez gero, korrikalariak antolakuntzarekin harremanetan jarri beharko du, salbamendu-zerbitzua martxan jartzeko. Korrikalari bakoitzari, kasu horietan, zein telefono zenbakitara deitu behar duen jakinaraziko zaio (dortsalean inprimatuta egongo dira). Korrikalariaren telefono-konpainiaren estaldura ezagatik zenbaki horiek erabili ezin diren kasuan, doako larrialdietako 112 zenbakia erabiltzea proba daiteke. Beste korrikalarien errespetua eta elkartasuna erabakigarriak izango dira horrelako kasuetan.

Korrikalariaren itzulera kontrol-guneko arduradunaren eta honako arauen arabera erabakiko da:

  • Anoa-gunean edo segurtasun-esparruan proba bertan behera uzten duten eta lesionaturik ez dauden korrikalariek goian aipatutako puntu horietara joan beharko dute beren kabuz eta ahalik eta azkarren.
  • 4×4 ibilgailuen bidez bakarrik irits daitekeen postuetan, salbamendu zerbitzua behar ez den kasuetan, kontrol bakoitzeko arduradunak erabakiko du korrikalariaren itzulera-unea.
  • Muturreko eguraldiaren ondorioz proba osorik edo tarte batean bertan behera utzi behar denean, antolakuntzak geldirik dauden korrikalarien itzulera ziurtatuko du, denbora tarterik ahalik eta laburrenean.

Proba edozein arrazoi dela medio bertan behera utzi duten eta itzulera puntuetara ez joatea erabaki duten korrikalariak, igarotze-kontroleko arduradunei erabakia jakinarazi gabe, ez dira jada antolakuntzaren kontrolpean egongo.

26. IBILBIDE ALDAKETA: Eguraldi txarrak hala behartuz gero, ordezko ibilbide bat egongo da. Horren berri korrikalariari emango zaio ahalik eta azkarren. Ibilbide aldaketaren erabakia irteera eman ondoren hartuko balitz, erabaki horren berri antolakuntzak egokien ikusten duen igarotze-kontrol batean emango zaie partaideei.

Antolakuntzak lasterketaren oinarriak aldatzeko eta ustekabeko arrazoi garrantzitsuren bategatik proba bertan behera uzteko eskubidea izango du.

Lasterketak bertan behera uzteko erabakia irteera-datarako 15 egun edo gehiago falta direla hartzen den kasuan, arrazoiak edozein direla ere, inskripzioan egindako ordainketaren itzulera partziala egingo da. Itzulera horren zenbatekoa antolakuntzak egindako gastu finkoei aurre egiteko behar duen diru kopuruaren araberakoa izango da. Lasterketa bertan behera uzteko erabakia irteera-datarako 15 egun edo gutxiago falta direla hartzen den kasuan, edo lasterketa behin irten ondoren bertan behera gelditzen denean, ez da diru itzulerarik aurreikusten.

27. ALDAKETAK: Antolakuntzak edozein unetan araudi hau hobetu, zuzendu edo alda dezake. Izen-ematea egiteak, partaidea araudi honekin ados dagoela adierazten du.

28. ARDURAK: Antolakuntzak ez du bere gain hartuko antolakuntzak kontratatutako aseguruaren estalduraz gaindiko, partaide, laguntzaile edo ikusleei gerta dakizkiekeen kalteen (galdu, lapurtu, puskatu…) ondorioz egindako erreklamazioen erantzukizunik.

EH mendi erronka proban izena eman duten guztiek beren borondatez eta norbere arduraz parte hartzen dutela ulertzen dute. Horregatik, partaideek eta beren oinordekoek, erantzukizun zibilari dagokionez, antolaketaz arduratzen diren erakundeak, laguntzaileak, babesleak zein beste partaideak ez salatzea eta kargu horietatik guztietatik libre uztea onartzen dute.https://www.rockthesport.com/es/evento/eh-mendi-erronka

29. SAILKAPENAK: Behin-behineko sailkapenak partaideen eta jarraitzaileen eskura egongo dira lasterketak irauten duen bitartean. Antolakuntzak horretarako gune bat atonduko du, ahal den heinean korrikalariak kontrol-puntu ezberdinetan egindako denborak eta kokapena denbora errealean emateko. Lasterketako behin-behineko emaitzak web-orrian agertuko dira lasterketa-egunaren
biharamunean.

30. ERREKLAMAZIOAK: Erreklamazioak idatziz bakarrik aurkeztu ahal izango zaizkio antolakuntzari. Erreklamazioak egiteko epea 24 ordukoa izango da, behin-behineko sailkapenak lasterketaren web-orri ofizialean argitaratzen diren unetik kontatzen hasita. Erreklamazio horiek eta dagozkien erabakiak lasterketa amaitu eta gehienez bi hilabeteko epean aztertu eta jakinaraziko dira.

31. ROAD BOOK-A: Lasterketaren aurreko astean korrikalari bakoitzari Road Book-a edo korrikalariaren eskuliburua bidaliko zaio e-postaz. Eskuliburu horretan lasterketari buruzko informazio baliagarria aurkitu ahal izango da: igarotze-kontroletako mugak, anoa-postuak, osasun- zerbitzua, eta abar.

32. EUSKAL HERRIKO ULTRA-TRAIL TXAPELKETA: Aurten, Euskal Herria Mendi Erronkarekin batera Euskal Herriko Ultra Txapelketa ere jokatuko da, aldi berean. Euskal Herriko Mendi Federazioak antolatuta.

Beti bezala, lehian puntuatu ahal izateko beharrezkoa izango da Euskal Mendizale Federazioan edo Nafarroako Federazioan Federaturik egotea.